Nisma Socialdemokrate ka bërë me dije se kandidat i saj për kryetar të komunës së Malishevës është Ekrem Kastrati.
Burime brenda kësaj partie bëjnë me dije se Kastrati ka marrë mbështetjen e degës së kësaj partie që të jetë kandidat për zgjedhjet e 17 tetorit.
Ekrem Kastrati rrjedh nga një familje patriotike dhe bujare nga fshati Turjakë. Kastrati është një ndër celulat e para të UÇK-së në komunën e Malishevës. Ai ka qenë i burgosur politik dhe i dënuar me 10 vjet burg. Ka kaluar nëpër shumë burgje të Kosovës e të Serbisë, ndër to edhe në masakrën e burgut të Dubravës.
Ekrem Kastrati me profesion është jurist, ndërsa pas luftës ka kryer shumë detyra menaxheriale, duke filluar nga Posta dhe Telekomi i Kosovës, në QKUK, pastaj sekretar i përgjithshëm i Ministrisë së Arsimit dhe kryeinspektor i Inspektoratit të Punës.
Ekrem Kastrati ka kundërkandidatë për komunën e Malishevës Isni Kilajn e PDK-së dhe Alban Kastratin e Lëvizjes Vetëvendosje.