Zyrtarët e PDK-së në Prizren janë përplasur rreth përcaktimit të emrave të drejtorëve, që do të jenë pesë e “Qeverisë Muja III”. Pakënaqësia mes tyre ka lindur, për shkak se disa nga ish-drejtorët të Ekzekutivit, nuk janë paraparë që të jenë pjesë e Qeverisë së re të Mujës.
Burimet e “PrizrenPress-it” brenda PDK-së në Prizren, bëjnë të ditur se kryetari i Komunës, Ramadan Muja nuk dëshiron që pjesë të Ekzekutivit të ri t’i ketë disa nga drejtorët që kanë qenë në dy mandatet e qeverisjes së tij.
” Edhe disponimi i shumicëve në parti është që disa drejtorë aktual të mos jenë pjesë e Ekzekutivit, për shkak menaxhimit të dobët që kanë treguar në mandatet e kaluar”.
Sipas të njëjtit burim, kryetari Ramadan Muja me disa nga drejtorët nuk ka qenë i kënaqur në mandatin e dytë të tij, mirëpo përkundër disa përpjekjeve nuk ka mundur t’i shkarkojë.
”Muja ka dashur t’i shkarkojë para dy-tre vitesh, mirëpo nuk ka mundër”.
Kryetari Ramadan Muja është takuar dje me ish-drejtorët e Ekzekutivit. Ai i ka falënderuar ata për punën dhe angazhimin që e kanë treguar.
Sekretari i PDK-së,Nijazi Kryeziu, ndërkaq tha se ende nuk janë diskutuar emrat e drejtorëve të rinjë.
“Ende nuk kemi diskutuar për këtë çështje. Kur t’i diskutojmë do t’i bëjmë edhe publike të gjitha vendimet.Ne jemi transparent në këtë drejtim”, tha Kryeziu për “PrizrebnPress”.