Kandidati i PDK-së për kryetar të Prizrenit, Shaqir Totaj, ka vizituar sot Klubin Futbollistik ‘Liria’ dhe FC Prizren.
“Si ish sportist aktiv dhe kryetar i ardhshëm, iu premtova se do të jem afër futbollit prizrenas”, tha Totaj.
Postimi i plotë
Prizreni krenohej dikur me futbollin. Por sot nuk është kështu. Mungesa e vëmendjes së kryetarit në shkuarje ka ndikuar negativisht në ecurinë e futbollit prizrenas, e veçmas klubeve të këtij qyteti, sikurse është ikona e Prizrenit, Liria.
I shoqëruar nga kandidatët për Asamble, sot vizitova klubet Liria dhe FC Prizreni për t’u njohur nga afër me sfidat e tyre të përditshme dhe planet e ardhshme.
Si ish sportist aktiv dhe kryetar i ardhshëm, iu premtova se do të jem afër futbollit prizrenas. Qyteti jonë i ka dhënë shumë sportit kosovar dhe vazhdon të prodhoj talent botërorë prandaj dora e mbështetjes së komunës nuk do të mungoj.
Do të sigurojmë kushte më të mira për talentët tanë duke mirëmbajtur stadiumet tone e ofruar mbështetje financiare. Vetëm bashkë mund t’ia rikthejmë krenarinë sportit prizrenas.
