Kandidati i Nismës për kryetar të Prizrenit, Zafir Berisha, në kuadër të fushatës zgjedhore ka vizituar lagjen “Bajram Curri”.
Sipas tij, banorët e kësaj lagjeje kanë qenë të harruar nga qeveria e kryetarit, Mytaher Haskuka.
“Projekti “Shpresë për Prizrenin”, parasheh që kjo lagje e harruar, të jetë e përfshirë në infrastrukturën publike të qytetit, duke mundësuar qasje në kanalizim për gjithë banorët e kësaj lagje, rregullim të rrugëve dhe rrugicave, si dhe ndriçimin publik”, tha Berisha .
“Hapja e rrugës prej 12m nga rrethrotullimi tek tregu i gjelbërt, deri tek shkolla fillore “Fatmir Berisha”, për t’i mundësuar mijëra nxënësve dhe banorëve të kësaj lagje lëvizje të papenguar, si dhe asfaltimi i rrugës nga Bajram Curri deri në fshatin Kobaj, do të jenë prioritet i yni në katër vitet e ardhshme”, premtoi ai.
