Kandidati për kryetar i Komunës së Dragashit nga Partia Demokratike e Kosovës, Shaban Shabani, ka falënderuar qytetarët e kësaj komune për siç ka thënë “kulturën e lartë qytetare dhe sjelljen demokratike në këtë proces zgjedhor”.
Në këtë drejtim, ai një falënderim të veçantë ka bërë secilit qytetar që i besoi programit të tij politik.
“Faleminderit shtabit zgjedhor, kandidatëve për kuvendin komunal, strukturave tona, mbështetësve dhe vullnetarëve tanë që treguan modelin e një fushate moderne, kreative e dinamike”, ka shkruar Shabani në Facebook, duke shtuar se “angazhimet e përbashkëta do të vazhdojnë edhe në balotazh për ta përmbyllur fitoren e PDK-së”.
Ndryshe, Shabani, në zgjedhjet e 17 tetorit ka dalë si i dyti, me një numër shumë të vogël të votave më pak në krahasim me kandidatin e Lidhjes Demokratike të Kosovës, Bexhet Xheladini.
Postimi i plotë i Shabanit në Facebook:
Të nderuar qytetarë të Dragashit,
Më lejoni të ju falënderoj secilin prej jush për kulturën e lartë qytetare e sjelljen demokratike në këtë proces zgjedhor.
Faleminderit secilit qytetar që i besoi programit tonë politik.
Faleminderit shtabit zgjedhor, kandidatëve për kuvendin komunal, strukturave tona, mbështetësve dhe vullnetarëve tanë që treguan modelin e një fushate moderne, kreative e dinamike.
Angazhimet tona të përbashkëta do të vazhdojnë edhe në balotazh për ta përmbyllur fitoren e PDK-së.
Do të jemi një ekip i bashkuar që do të jetë zëri i qytetarëve për plotësimin e të gjitha pikësynimeve dhe aspiratave të përbashkëta.
Ju jam mirënjohës të gjithëve!