Ministri i Punëve të Brendshme, Xhelal Sveçla, është takuar me kryetarin e ri të Sindikatës së Policisë së Kosovës, Imer Zeqirin dhe nënkryetarin, Avdi Hoti.
Në njoftimin e Sindikatës së Policisë thuhet se ata kanë diskutuar për tri çështjet më kryesore: “Ligjin për paga”, “Ligjin për sigurimin shëndetësor”, si dhe “Ligjin për pensionim të parakohshëm”.
“Delegacioni i Sindikatës së PK-së është shprehur i gatshëm që të vazhdojë me angazhimet e përbashkëta në shërbim të ngritjes së cilësisë për Policinë e Kosovës, përmes Ministrisë se Punëve të Brendshme”, thuhet në njoftim. “Ministri Sveçla është pajtuar që bashkërisht me Sindikatën e PK-së të vazhdojnë përpjekjet për zgjidhjen e këtyre kërkesave sa më parë. Gjithashtu, në këtë takim u diskutua edhe për sfidat që ballafaqohen çdo ditë zyrtarët policorë dhe kushtet e tyre në punë.”
