Drejtori i Administratës së Komunës së Prizrenit, Minir Krasniqi është duke dëshmuar në procesin gjyqësor “Muja dhe të tjerët”. Krasniqi bashkë me kryetarin e Prizrenit, Ramadan Mujën dhe drejtorët e tjerë akuzohet për keqpërdorim të detyrës zyrtare.
Prokuroria e EULEX-it, akuzon kryetarin e Komunës së Prizrenit, Ramadan Muja, Sadik Paçarizin – drejtor i Urbanizmit dhe Planifikimit Hapësinor, Avni Ademajn – ish-u.d. së drejtorit të Gjeodezisë dhe Kadastrës, Kadri Ukimerin – ish-drejtor i Gjeodezisë dhe Kadastrës, Abdullah Tejecin – drejtor aktual i Gjeodezisë dhe Kadastrës dhe Minir Krasniqin – drejtor i Administratës, për kryerjen e veprave penale gjatë ushtrimit të detyrës zyrtare./PrizrenPress.com/