Rafael Nadal është shpallur kampion i Grand Slamit Australian Open, duke mposhtur në finale Daniil Medvedev. Rusi pati avantazh prej dy seteve 6:2 dhe 7:6, porse spanjolli nuk u dorëzua, duke fituar krejt ndeshjen më pas, që i bie tre sete rresht; 6:4, 6:4 dhe 7:5.
Me titullin arritur në Australi të dielën, Rafael Nadal bëhet tenisti me më së shumti Grand Slam të fituar në historinë e këtij sporti, në total 21 trofe.
Ai lë pas vetes zviceranin Roger Federer dhe serbin Novak Djokovic me nga 20 Grand Slam.
Nadal ka fituar 2 Australian Open, 13 French Open, 2 Wimbledon dhe 4 US Open.
Sa i përket çmimit në Australian Open, Nadal është pasuruar me 2 milionë e 875 mijë dollarë, kurse Medvedev si nënkampion me 1 milion e 575 mijë.