Skuadra e Barcelonës ka shprehur interesim për qendërmbrojtësin e Napolit, senegalezin Kalidou Koulibaly, ka shkruar të premten “Mundo Deportivo”.
Mësohet se trajneri i Barçës, Xavi Hernandez po e sheh Koulibalyn si përforcim të duhur për repartin e mbrojtjes dhe ka kërkuar nga krerët e klubit ta transferojnë në fund të sezonit. Koulibaly mund të largohet në verë nga Napoli pasi ka kontratë me ekipin italian deri në vitin e ardhshëm.
Te Barcelona po besojnë se mund ta bindin Napolin për ta liruar Koulibalyn për 50 milionë euro. 30-vjeçari është pjesë e Napolit prej vitit 2014 kurse këtë sezon në 23 ndeshje në të gjitha garat, ka dy gola e po aq asistime.