Ministria e Shëndetësisë ka bërë të ditur se gjatë 24 orëve të fundit në Kosovë një person ka vdekur si pasojë e COVID-19 si dhe janë regjistruar 119 raste të reja.
Gjithashtu, gjatë 24 orëve të fundit janë shëruar 500 pacientë, teksa mbesin 2 mijë e 381 raste aktive.
Deri më tani në Kosovë janë administruar 1 milion e 812 mijë e 244 doza të vaksinave, ku me dozën e parë janë vaksinuar 899 mijë e 310 qytetarë, me dozën e dytë 815 mijë e 521, ndërsa dozën përforcuese e kanë marrë 97 mijë e 261 njerëz.