Kanye West me sa duket konfirmoi romancën e tij të re me Chaney Jones në rrjetet sociale përmes një postimi të ri. Bëhet fjalë për screenshot-in e një lajmi që shkruante se ata janë bashkë dhe një foto e çiftit. Kanye shtoi një emoji zemre të zezë krah postit duke konfirmuar kështu se mes tyre ka lindur një romancë.
Para pak ditësh, mediat pranë reperit raportuan se ai nuk është i lidhur me yllin e mediave sociale dhe se nuk është i interesuar për të filluar asnjë lidhje serioze. Por duket se Kanye ka marrë vendimin që t’i japë një mundësi Chaney.
Në postimin e tij nuk mungoi komenti i Jones e cila shkroi, “Dashuria ime” krahas një emoji me zemër të zezë dhe emoji me gishta të kryqëzuar. Chaney gjithashtu ri-ndau të njëjtin postim në Instastory.
Postimi i Kanye vjen një ditë pasi Chaney publikoi një selfie me të në një nga Instastory-t e saj të fundit. Duket se dyshja tashmë kanë zyrtarizuar lidhjen e tyre. Romanca e re e Kanye vjen pak pas ndarjes së tij të fundit me yllin e “Uncut Gems”, Julia Fox. West ishte takuar me Fox-in gjatë një feste gjatë Vitit të Ri në Miami.
Nga ana tjetër, sipas “HollywoodLife”, Kim ndihet ‘mjaft e lehtësuar” lidhur më marrëdhënie e re të ish-partnerit të saj. Ndër të tjera, ajo ka thënë shpesh herë se tashmë nuk i intereson se më kë i rezalizon takimet Kanye, dhe se dëshiron vetëm që ai ta lërë të qetë.
