Pasi hoqi dorë nga transferimi i Jules Kounde te Sevilla-s, Barcelona synon mbrojtësin e Kombëtares spanjolle dhe Athletico Bilbao-s, Inigo Martinez.
Qendërmbrojtësi ka dhe një vit kontratë me Athletic dhe klubi do të negociojnë nëse ai kërkon largimin këtë verë.
Sipas “Onda Vasca”, Barcelona e ka informuar klubin bask se është në gjendje të bëjë një ofertë të mirë për Martinezin. Megjithëse nuk do të paguajë klauzolën e tij të blerjes prej 80 milionë euro.
Athletic ia ka lënë në dorë lojtarit të ardhmen. Nëse nuk dëshiron të rinovojë, atëherë do të largohet për një shifër që është më pak se 50 milionë euro.
Martinez u transferua në 2018 te Athletic, pas mbërriti nga Real Sociedad. Ai nënshkroi kontratë pesëvjeçare, e cila është ende në fuqi.
31-vjeçari ka përvojë të madhe në La Liga-n spanjolle, ku numëron 341 paraqitje. 21 gola dhe shtatë asistime mbajnë emrin e tij. Me Kombëtaren e Spanjës, Martinez numëron 19 paraqitje.
/Albanianpost.com