Gjyqtari amerikan ka urdhëruar hetuesit të lëshojnë një version të redaktuar të dokumenteve gjyqësore që e bindën të autorizonte kontrollin e pasurisë së Donald Trump.
Dokumenti që përfshin provat e mbledhura nga prokurorët mund të zbulojë detaje të reja rreth hetimit.
Departamenti i Drejtësisë e ka kundërshtuar lëshimin e një versioni të pacensuruar në mes të hetimeve të tij në vazhdim.
Kërkimi i FBI-së ishte pjesë e një hetimi për keqpërdorimin e mundshëm të dokumenteve. Donte të shihte nëse Trump kreu krim duke i trajtuar në mënyrë të pahijshme të dhënat e qeverisë kur ai i çoi ato nga Shtëpia e Bardhë në Mar-a-Lago.
Kjo pasi administrata e tij nuk ishte më.
Presidentëve të SHBA-ve u kërkohet të transferojnë dokumente dhe email në Arkivin Kombëtar kur largohen nga detyra.
Ish-presidenti amerikan ka mohuar keqbërjen dhe këmbëngul se dosjet e klasifikuara që hetuesit thonë se u gjetën në Florida ishin deklasifikuar tashmë nga vetë ai.
Sakaq, gjyqtari i magjistraturës amerikane Bruce Reinhart urdhëroi që deklarata të lëshohej me redaktime deri në mesditën e së premtes.
Sipas tij, prokurorët kishin demonstruar një “arsye bindëse” për të errësuar pjesë të dokumentit, i cili do të zbulonte identitetin e dëshmitarëve, agjentëve të zbatimit të ligjit dhe palëve të pa akuzuara.
Po ashtu edhe “strategjinë, drejtimin, shtrirjen, burimet dhe metodat e hetimit”.
Ky vendim erdhi menjëherë pasi Departamenti i Drejtësisë konfirmoi se i kishte dorëzuar gjyqtarit një kopje të deklaratës me redaktimet e propozuara.
Edhe në formë të redaktuar, deklarata mund të japë të dhëna se përse Trump dyshohet se ka marrë me vete dokumente të klasifikuara në ditët e fundit të presidencës.
Marrë nga “BBC”, përshtatur për “Albanian Post”