Kryetari i Dragashit, Behxhet Xheladini, ka mohuar edhe njëherë informacionet për një zyrë ruse në këtë vend.
Xheladini tha në Frontal të T7 se këto infomracione ia ka përcjellur Policisë.
“Posa e kam lexuar informacionin të cilin e ka dhënë TV Opoja se në Dragash ekziston një zyrë ruse, gjegjësisht një organizatë humanitare e cila ndan ndihma pas orës 16:00. Unë këtë informacion ia kam përcjellë komandantit të stacionit të Policisë në Dragash”, tha ai.
Xheladini thotë se s’ka zyrë ruse në Dragash.
“Unë mundem me garantu që zyrë ruse në territorin e Komunës së Dragashit nuk ka. Mirëpo a ekziston ndonjë shoqatë humanitare që shpërndan ndihma, nuk mund ta di”, tha ai.