(E plotësuar) Ramush Haradinaj i është kthyer edhe temës së fesë. Ai ka thënë se e respekton besimin atuokton, por jo edhe njerëzit e ndytë me mjekërra.
“Nuk i respektoj flliqtanat me mjekrra”, ka thënë Haradinaj, shkruan Express.
Ai ka thënë se i respekton të gjitha besimet fetare në Kosovë, por qytetarët e këtij vendi janë shqiptarë.
Haradinaj: Në zgjedhje SHIK-u i PDK-së ka qenë aktiv sikurse SHIK-at e partive tjera
Ramush Haradinaj i është kthyer temës së SHIK’ut. Ai ka thënë se në zgjedhjet e fundit Shërbimi Informativ i Kadri Veselit ka qenë aktiv. Ai ka lëshuar akuza se edhe SHIK’at e partive tjera kanë qenë aktive kundër AAK’së. Sidoqoftë, Haradinaj ka thënë se partia e tij nuk do të votojë nesër buxhetin e Shtetit.
Lideri i AAK’së, Ramush Haradinaj ka thënë se SHIK’u i PDK’së ka qenë aktiv në fushatën elektorale të zgjedhjeve lokale.
“Ish-SHIK’u i PDK’së ka qenë akvit. Edhe SHIK’at e partive tjera kanë qenë aktive”, ka thënë Haradinaj në RTK, shkruan Express.
“Edhe kuzhinat e SHIK’ut kanë me u mbush mend. Një ditë kanë me rënë vetë”, ka shtuar ai.
Haradinaj ka thënë se AAK do të reflektojë për rezultatin e arritur në zgjedhjet e fundit lokale.
Lideri i AAK’së, Ramush Haradinaj ka thënë se partia e tij nuk do t’ia mundësojë Qeverisë së Kosovës shumicën në Kuvendin e Kosovës.
“Kemi dëshirë mos me praktiku largimin nga senaca. Nuk mundemi me ndejt në seancë në rast se prezenca jonë e ndihmon kurorumin e Qeverisë”, ka thënë ai.
“Ata duhet të kenë shumicën në Kuvend”, ka shtuar ai.
Ai ka konfirmuar se vota e AAK’së do të jetë kundër buxhetit.
“Kjo votë do të jete negative”, ka shtuar ai.
Ai ka dhënë edhe disa aryse se pse do të votojnë kundër buxhetit të vitit të ardhshëm.
“Buxheti nuk premton zhvillim ekonomi. Është një buxhet i një vazhdimësie dhe kolegët tonë deputetë kanë shumë vërejtje”, ka thënë Haradinaj.