Trevoh Chalobah do të largohet nga Chelsea gjatë afatit kalimtar të janarit.
Mbrojtësi i ri anglez mbeti në londër përkundër ofertave të shumta që kishte gjatë verës, por trajneri Thomas Tuchel vendosi ta mbajë në skuadër.
Gjithsesi anglezi i ri nuk ka luajtur shumë pasi në këtë fillim sezoni ka vetëm një ndeshje prej 90 minutave të zhvilluara dhe të tjerat ka qëndruar në bankën rezervë.
23-vjeçari nuk dëshiron të mbetet në bankë dhe i ka bërë të qartë drejtuesve të Chelseat se dëshiron largimin në janar.
Mediat e ndryshme në Angli dhe Itali kanë raportuar se Roma është skuadra favorite për t’i marrë shërbimet e Chalobah.
Dy skuadrat kanë marrëdhënie të shkëlqyera mes vete, derisa një ndihmë të madhe për transferimin e lojtarit në Olimpico po e jep edhe Tammy Abraham që e ka mik të ngushtë mbrojtësin.
Interesim për qendërmbrojtësin anglez kanë shprehure dhe Inter, Milan, RB Leipzig dhe Newcastle United. /Telegrafi/