Një person është arrestuar nën dyshimin se përderisa ishte duke punuar ka lënduar një fëmijë, të cilit fillimisht i është ofruar tretman mjekësor në QKMF në Suharekë, e më pas është dërguar në QKUK, në Prishtinë ku edhe është duke vazhduar tretmanin mjekësor.
Sipas raportit të Policisë së Kosovës, rasti ka ndodhur të premten rreth orës 14:00, në Suharekë.
Tutje në raport bëhet e ditur se me vendim të prokurorit i dyshuari është dërguar në mbajtje.
“Është arrestuar i dyshuari mashkull kosovar nën dyshimin se përderisa ishte duke punuar ka lënduar një fëmijë, të cilit fillimisht i është ofruar tretman mjekësor në QKMF Suharekë, e më pas është dërguar në QKUK Prishtinë ku edhe vazhdon tretmanin mjekësor. Me vendim të prokurorit i dyshuari është dërguar në mbajtje”, thuhet në raport. /Telegrafi/