Te Manchester Unitedi janë pajtuar përfundimisht me largimin e Cristiano Ronaldos gjatë afatit kalimtar të janarit. “The Sun” ka raportuar të hënën se Unitedi tashmë i ka caktuar çmimin Ronaldos për të gjitha skuadrat e interesuara në shërbimet e tij.
Për ta lënë të lirë portugezin, Unitedi po kërkon 12 milionë euro. Ronaldo 37-vjeçar nuk bën pjesë në planet e trajnerit Erik ten Hag dhe për këtë arsye do të largohet nga klubi.
Ai i u bashkua Unitedit verën e shkuar nga Juventusi dhe firmosi kontratë deri në vitin 2023, me opsionin e vazhdimit edhe për një vit tjetër. Këtë edicion, Ronaldo ka dy gola e një asistim në dhjetë paraqitje në të gjitha garat.