Shkruan: Seremb Gjergji
Kryetar, ju mbani përgjithësi për veprimet tuja. Mbi të gjitha, ky është një PRECEDAN për rastet tjera që do të ndodhin në të ardhmen. Veprimet e Kryetarit të ri të Prishtinës z. Shpend Ahmenti, ku në prezencën e tij dhe ekipit mungon stema dhe flamuri i Kosovës; tregon një mungesë të vetëdijes së rëndësisë së Shtetit dhe fuqizimit të Institucioneve tona. Poashtu, ky veprim prekë edhe aspektin e Kushtetutshmërisë.
Parmbrëmë bisedova me Shpendin (Kryetarin) në Ipeshkvin e Kosovës dhe i thash se Ne si shkollar amerikane ndër më të rëndësishmet që kemi mësuar është “përgjithësia për veprimet tona dhe Ju dhe Kryetarja Mimoza Kusari për çdo veprim tuajin, e bëni me vetëdije dhe duhet të mbani përgjithësi për atë veprim. Andaj çdo veprim tuajin e shoh si të qëllimshëm – si për të mirë, si për keq”. Përgjithësia është diçka që është ngjizur në mentalitetin e shkollarëve amerikan. Mbi të gjitha, nuk ka qenë temë e fushatës tuaj bashkimi apo çështja Kombëtarë, por problemet e qytetarëve të Prishtinës; me qëllim të përmirësimit të kushteve të jetesës në përgjithësi.
Kryetar, për veprimin aktual, ju them se e keni bërë me vetëdije dhe si kolege i shkollimit amerikan, ju them se do të mbani përgjithësi. Veprimi i Juaj me ekip, jo vetëm që e dëmton Shtetin dhe me heqjen e Stemës, Flamurit dhe Himnit, keni shkelur Kushtetutën dhe Ligjet e Republikës së Kosovës.
Mos përfillja e simboleve shtetërore, është në kundërshtim me Nenin-6 të Kushtetutës së Kosovës, Ligjit për Simbolet Shtetërore të datës 20 shkurt 2008 dhe në kundërshtim me Ligjin për Vetëqeverisje Lokale Neni-57.1, teksti i betimit është si në vijim:
“Betohem (ose deklaroj solemnisht) që do t’i kryej detyrat e mia dhe do t’i ushtroj kompetencat e mia si kryetar i komunës së (Prishtinës) me nder, besnikëri, në mënyrë të paanshme, me ndërgjegje dhe në pajtim me ligjin, në mënyrë që t’i siguroj kushtet për një jetë të qetë për të gjithë”.
Ju nuk e respektuat betimin që e bëtë!
Ky veprim nuk është në vijë me interesat e Shtetit dhe popullit të Kosovës, por shkon vetëm në interesat e vendeve jo-mike të Kosovës.
Mungesa e “Actio Popularis” (e drejta e qytetarit), si qytetarë dhe kandidat i pavarur për President të Kosovës ma ndalon që të ankohem në Gjykatën Kushtetuese; përndryshe do të përballeshit me Kushtetutshmërinë e veprimit tuaj. Njësoi do të veproja edhe me Kryetarin e Gracanicës dhe gjithë të tjerët që do të vepronin njëjtë.
Kryeprokurori Ismet Kabashi si mbrojtës i vlerave Kushtetuese, Ligjore dhe Juridiksionin dhe të drejtën e Institucioneve dhe Qytetarëve të Kosovës, si dhe Prokurorët e caktuar gjatë zgjedhjeve për të mbrojtur Kushtetutshmërinë kanë për detyrë ta shqyrtojnë secilin rast veç e veç, ashtu siç duhet shqyrtuar vet asamblistët e Asambleve Komunale.Mbi të gjitha, nëse nuk mbrohet Kushtetutshmëria, atëherë nuk është mbrojtur edhe vota e lirë.