Policia e Kosovës ka njoftuar se brenda 24 orëve të fundit në Kosovë, janë raportuar katër raste të dhunës në familje.
Kështu bëhet e ditur në raportin 24 orësh të policisë.
Një rast është rapotuar në Prishtinë, një në Prizren, një në Rahovec e një në Gjakovë.
RASTET:
Prishtinë 26.03.2023 – 11:30.
Është arrestuar e dyshuara femër kosovare pasi që e njëjta kishte ushtruar dhunë psikike ndaj viktimës femër kosovare- fëmijë. Pas intervistimit, me urdhër të prokurorit kujdestar, rasti procedohet në procedurë të rregullt.
Prizren 26.03.2023-00:57.
Është arrestuar i dyshuari mashkull kosovar pasi që i njëjti në gjendje të dehur, dyshohet se ka veprën e cekur, duke demoluar një zyrë që gjendej brenda shtëpisë-pronë e ankuesit mashkull kosovar, babait të tij. Njësitet policore në vendin e ngjarjes kanë gjetur dhe sekuestruar edhe një sasi të vogël substancë narkotike 0.7 gramë marihuanë dhe 0.3 gramë heroinë. Me vendim të prokurorit, i dyshuari është dërguar në mbajtje.
Rahovec 26.03.2023 – 13:00.
Është arrestuar i dyshuari mashkull kosovar i cili është me probleme shëndetësore mentale, i cili e kishte kanosur me thikë vëllain e tij viktimën mashkull kosovar, mirëpo viktima nuk kishte pësuar lëndime trupore. Me urdhër të prokurorit kujdestar, rasti procedohet në procedurë të rregullt, ndërsa i dyshuari dërgohet për tretman mjekësor në Spitalin Rajonal në Gjakovë.
Gjakovë 26.03.2023 – 08:00.
Është arrestuar i dyshuari mashkull kosovar pasi që i njëjti kishte ushtruar dhunë fizike ndaj bashkëshortes së tij viktimës femër kosovare. Viktima ka pranuar tretman mjekësor dhe e njëjta me tre fëmijë ka shkuar te prindërit e saj. Me vendim te prokurorit kujdestar, i dyshuari dërgohet në mbajtje.