Një prej çifteve më të përfolura në media rozë kanë qenë padyshim këngëtari Blero dhe ish-partnerja e tij, Afrona Dika.
Dyshja që kurorizuan dashurinë me martesë në shtator të vitit 2019 u ndan vitin që lamë pas.
Dhe ndërkohë që raportohej për ndarjen e tyre ata preferuar të qëndronin të heshtur, teksa së fundmi Afrona vendosi të fliste për herë të parë rreth ndarjes me artistin.
E ftuar në Prive, Afrona ka rrëfyer përjetimet pas ndarjes dhe se çfarë e solli ish-çiftin që të merrnin vendim për t’i ndarë rrugët me njëri-tjetrin.
Por, pas ndarjes nga Blero, ajo u përfol për një lidhje të re dashurie, që ajo e konfirmoi edhe vet.
“Së pari e kam shëndetin kjo është më e rëndësishmja, e kam familjen shëndosh e mirë, e kam punën e kam partnerin tim dhe ndihem e lumtur me gjithçka që më rrethon dhe personat që i kam afër”, tha ajo.
“Nuk është fytyrë publike, më bën të ndihem e lumtur, dua ta mbaj jashtë mediave thjeshtë po e shijoj, më përkrah në të gjitha aspektet”, shtoi Afrona duke mos dhënë më shumë detaje për historinë e re të dashurisë.
Dika ndër tjera tha gjithashtu që në një të ardhme të afër planifikon të bëhet nënë. /Telegrafi/