Artane Rizvanolli, ministrja e Ekonomisë, nëpërmjet një postimi në llogarinë e saj në Twitter, ka njoftuar se Policia e Kosovës ka sekuestruar 174 pajisje të paligjshme për mihje të kriptovalutave në Zubin-Potok.
Rizvanolli deklaroi se mospagesa e faturave të energjisë elektrike nxit aktivitete të tilla.
“Policia ka sekuestruar 174 pajisje të paligjshme të kripto-minimit në Zubin-Potok. Mospagesa e faturave të energjisë elektrike nxit aktivitete të tilla të paligjshme”, shkruan Rizvanolli.
Ajo ka shtuar se për këtë arsye, Serbia po e bllokon zbatimin e udhërrëfyesit të energjisë.
Më tej, Rizvanolli rikujton se Kosova i ka përmbushur të gjitha angazhimet, ndërsa tani është “koha që edhe pala tjetër të bëjë të njëjtën gjë, urgjentisht”.
Pajisjet për gjenerimin e kriptovalutave në Kosovë janë të paligjshme.