Në një ceremoni solemne, në prani të nxënësve, prindërve dhe mysafirëve, sot në “Loyola-Gymnasium”, ka filluar viti shkollor 2023-2024.
Në filllim, nxënësve u ka dëshiruar mirëseardhje drejtori i “Loyola-Gymnasium”,Enver Sulaj, i cili uroi që ky të jetë një vit i mbarë dhe i suksesshëm për të gjithë, me synimin e qartë që përmes angazhimit të shtuar dhe punës së vazhdueshme të përmbushen synimet për një formim dituror dhe emocional të nxënësve.
Më pas, drejtori i ri ekzekutiv i Asociation “Loyola-Gymansium”, Giselher Woite, theksoi rëndësinë e përkushtimit të të gjithëve, për të sendërtuar misionin për një arsimim cilësor, me shpresë e vetëbesim për arritje të reja.
Gjatë ceremonisë së sotme, disa pjesë klasike në piano janë luajtur nga pianistja e njohur, znj.
Lule Elezi, e cila kishte ardhur enkas në “Loyola-Gymnasium”, për të dëshmuar para të pranishmëve vlerat e muzikës klasike, që duhet të jenë pjesë e formimit dhe shijes muzikore të gjeneratave të reja.
