Kryetari i Komunës së Prizrenit Ramadan Muja dhe kryetarja e Komunës së Tetovës Teuta Arifi, kanë nënshkruan një memorandum bashkëpunimi për realizimin e projekteve të përbashkëta ndërkomunale dhe kufitare, Prizren-Tetovë.
“Kemi diskutuar për rregullimin e komunikimit të ambienteve jashtë vendbanimeve urbane e rurale Prizren-Tetovë, pra komunikim me viset e bukura natyrore të maleve të Sharrit, duke hapur shtigje për lëvizje të njerëzve”, tha Muja.
“Kemi nënshkruar marrëveshje, por nuk do të ndalemi vetëm në realizimin e këtij projekti. Jemi dy komuna të mëdha, të dy shteteve, jemi pranë njëri tjetrit të interesuar miqësor zhvillimin ekonomik, turizimit”
“Do të vazhdojmë kontaktet me komunën e Tetovës për krijim të kushteve më të mira për banorët e dy komunave”.
Kryetarja e Tetovës, Teuta Arifi,ka falënderuar kryetarin e Prizrenit, Ramadan Muja për interesimin e treguar për të bashkëpunuar me Tetovën.
“Ne sot nënshkruam një memorandum gjeneral për marrëveshjen mes dy komunave, e cila na lejon që së bashku të konkurrojmë për të tërhequr fonde nga komponenta e dytë e BE-së”.
“Shpresoj se projektet e përbashkëta do të japin kontribut për zhvillimin e dyanshëm të komunave, do të japin kontribut për bashkëpunim mes qytetarëve dhe do të japin kontribut për zhvillimin e rajonit në përgjithësi, që është normalisht një interes i madh i të gjithë neve Parashihet hapja e dy pikave turistike, një në territorin e Prizrenit dhe tjetri në Tetovë, pra në zonën malore, sikurse edhe hapja e shtigjeve për ecje në territorin malor të dy komunave”, tha Arifi /PrizrenPress.com/