Astana e Kazakistanit, është sfida e radhës e Ballkanit.
Kampioni i Kosovës këtë të enjte do të përballet në udhëtim me Astana-n në kuadër të xhiros së katërt të grupit C në Ligën e Konferencës.
Klubi nga Suhareka përmes një njoftimi, ka bërë më dije skuadra e Ballkanit sot do të niset drejt Kazakistanit.
“Kemi hyrë në javën ku do të zhvillojmë një ndeshje jashtëzakonisht të rëndësishme në UEFA Europa Conference League. Të enjten në ‘Astana Arena’ e zhvillojmë përballjen e dytë ndaj Astanas, në kuadër të rrethit të katërt në grupin C. Skuadra niset sonte për Kazakistan, kurse ndeshja zhvillohet më 9 nëntor me fillim në orën 16:30 me kohën tonë, derisa në 21:30 me orën lokale në Astana”, thuhet në njoftimin e FC Ballkanit.
Kujtojmë se ndeshja e parë mes Ballkanit dhe Astanës ishte mbyllur me fitoren e skuadrës nga Kazakistani (1-2).