Policia e Kosovës (PK) njofton se është ndaluar një furgon në Brod të Shtërpcës, nën dyshimin për transportim ilegal të drunjve nga Malet e Sharrit.
Në njoftimin Policisë, thuhet se furgoni u ndalua nga policët e stacionit në Shtërpcë, mbrëmë rreth orës 23:00, në kuadër të planit operativ “Mbrojtja e pyjeve”.
“Policia i ka marrë veprimet e nevojshme, ka konfiskuar furgonin për dokumentacion të parregullt, ndërsa ka njoftuar edhe zyrtarët e Parkut Kombëtar “Sharri”, të cilët kanë dalë në vendin e ngjarjes dhe kanë shqiptuar fletëparaqitje ndaj personit për transport ilegal, ndërsa kanë konfiskuar edhe sasinë e drunjëve”, thuhet në njoftim.
Policia fton qytetarët që në rast se kanë informacione rreth prerjes, transportit apo shitjes ilegale të drunjëve, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë: 192,0290/326-250 & 0290/322-406, policia do të reagojë menjëherë dhe do të koordinojë aktivitetet me rojet e pyjeve. Të dhënat do të ruhen në konfidencialitet të plotë.