Gjatë muajit janar të këtij viti, në Repartin e Pediatrisë të Spitalit të Prizrenit, janë hospitalizuar 242 fëmijë, me gjithsej 1.293 ditë shërimi dhe mesatarja e kohës së shërimit është 5.4 ditë.
Reparti i Pediatrisë disponon 13 dhoma për pacientë, me gjithsej 48 shtretër, dhe shfrytëzueshmëria e kapaciteteve është 86.9%.
Gjatë vitit 2023, në Repartin e Pediatrisë janë hospitalizuar 2.165 pacientë, me gjithsej 10.423 ditë shërimi. Po ashtu, janë kryer 12.260 vizita specialistike ambulantore dhe 250 vizita tjera diagnostike.
Reparti i Pediatrisë punon me 16 mjekë specialistë pediatër, dhe udhëhiqet nga Dr. Fatmire Braha, e cila njëherit është edhe kryesuese e Këshillit Profesional. Në repartin e pediatrisë punojnë gjithashtu 20 infermiere, dhe udhëhiqen nga kryeinfermierja, Fidan Paqarizi.
Shërbimet që ofrohen në Repartin e Pediatrisë përfshijnë:
- Vizita specialistike
- Konsultime specialistike
- Hospitalizimi, trajtimi dhe kujdesi i fëmijëve të hospitalizuar
- Ekzaminime klinike radiologjike dhe laboratorike – biokimike
- Vizita këshilluese për fëmijët e moshave të ndryshme.