Refki Gegaj nga radhët e LDK-së është zgjedhur kryesues i Kuvendit Komunal në Suharekë. Ai në rundin e tretë të votimit ka marrë 14 vota për, 8 kundër dhe 1 abstenim .
Gegaj kundërkandidat në votim ka pasur Nadire Hoxhën nga AAK-ja. Tetë anëtarët e PDK-së, ndërkaq nuk kanë marrë pjesë në votime. Ata pas propozimit të dy emrave kanë bojkotuar punimet e Kuvendit.
Refki Gegaj në dy rundet e para nuk ka mundur t’i sigurojë votat e mjaftueshme për t’u bërë kyresus i Kuvendit. Ai fitoi në rundin e tretë të votimit.
Kuvendi i Suharekës në këtë mbledhje ka formuar edhe dy komitetet obligative të Kuvendit./PrizrenPress.com/