Kryetari i Komunës së Malishevës, Ekrem Kastrati, ka njoftuar se komuna ka marrë një donacion të rëndësishëm nga Komuna e Meyrinit, Gjenevë, Zvicër.
Gjatë një vizite zyrtare, autoritetet zvicerane kanë shprehur vullnetin për t’i dhuruar Malishevës pesë mjete motorike për pastrimin e rrugëve dhe trotuareve, përfshirë dy automjete për fshirje të rrugëve.
Kastrati e përshkroi këtë ndihmë si një kontribut të madh për zhvillimin urban të qytetit dhe mirëmbajtjen e infrastrukturës: “Faleminderit Zvicër! Komuna e Meyrinit tashmë ka shprehur vullnetin për t’i dhënë Komunës sonë, 5 mjete motorike për pastrimin e rrugëve dhe trotuarëve nëpër qytet, duke përfshirë këtu edhe 2 automjete për fshirje të rrugëve”, u shpreh ai.
“I jemi përherë mirënjohës strukturave vendimmarrëse në Meyrin të Gjenevës, për këtë donacion, që do ti shërbej shumë mirëmbajtjes sa më të mirë të rrugëve kryesore të cilat janë duke u bërë përmes projekteve tona për Malishevën Urbane”, deklaroi Kastrati në llogarinë e tij në Facebook./PrizrenPress.com/
Përjetoni pushime të paharruar dhe dasma magjike në Hotel “Albes Residence”
