Shoqëria Kulturore Artistike “Bresana” ka njoftuar se ka marrë tri çmime në edicionin e parë të Festivalit Kombëtar Folklorik “Pushka e Lirisë” të mbajtur në Podujevë në nderim të Komandantit Zahir Pajaziti
Çmimi special i këtij festivali, sipas njoftimit, i ka takuar ShKA “Bresana”, derisa Sara Hajrullahi është shpallur valltarja me e mirë, dhe Muhamet Sinani është shpallur veterani i festivalit, raporton Telegrafi.
Festivalit Kombëtar Folklorik “Pushka e Lirisë” në Podujevë, në edicionin e parë ka mbledhur ansamble nga Kosova, Shqipëria dhe Maqedonia.
Sipas njoftimit të Komunës së Podujevës, juria e përbërë nga Zhani Ciko, Dilaver Kryeziu dhe Minella Kureta, ka ndarë çmimin special “Zahir Pajaziti” për ShKA “Bresana” nga Dragashi, derisa vendi i parë i ka takuar ansamblit “Vaçe Zela” nga Fieri; vendi i dytë ansamblit AKV “Shqiponja” dhe vendi i tretë ShKA “Kastriotët” nga Ferizaj.
Për grupet pjesëmarrëse janë ndarë edhe shumë çmime të tjera.
ShKA “Bresana” ka bërë të ditur se do të vazhdojë angazhimin për korrjen e sukseseve të reja në festivale të ndryshme folklorike. /Telegrafi/
Marketing
Përjetoni pushime të paharruar dhe dasma magjike në Hotel “Albes Residence”
