Dega e AAK-së në Prizren ka mbajtur një takim me kryetarët e nëndegëve të këtij subjekti politik nga rajoni i Hasit, ku janë diskutuar përgatitjet për zgjedhjet e 9 shkurtit.
“Takimi u zhvillua për të analizuar punën dhe angazhimin e nëndegëve të AAK-së në Has, të cilat po punojnë me intensitet të shtuar për fushatën elektorale”, njofton AAK-ja nw Prizren.
Kryetarët e nëndegëve raportuan për aktivitetet e zhvilluara deri më tani dhe theksuan mobilizimin e jashtëzakonshëm të aktivistëve dhe mbështetësve në këtë rajon.
“Hasi tradicionalisht i ka besuar Aleancës! Mobilizim i jashtëzakonshëm nga nëndegët e Aleancës në Has, për betejën politike të 9 shkurtit! Kryetarët e nëndegëve na njoftuan për punën, angazhimin dhe volumin e shtuar të punës! Na priftë e mbara!” thuhet në njoftimin e degës së AAK-së në Prizren.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
