Mbrëmë, në Pallatin e Kulturës “Ukë Bytyçi” në Suharekë, u mbajt një koncert madhështor i muzikës klasike, ku përformuan emra të njohur të artit shqiptar. Treshja Besiana Mehmetaj, Alba Muqolli dhe Adelina Paloja mahnitën publikun me interpretimet e tyre të veçanta.
Atmosferën e veçantë të mbrëmjes e plotësuan maestro Zhani Ciko dhe profesoresha Rudina Ciko nga Tirana, duke sjellë një performancë artistike të nivelit të lartë.
Kryetari i Komunës së Suharekës, Bali Muharremaj, përshëndeti të pranishmit dhe falënderoi artistët për kontributin e tyre të çmuar në promovimin e kulturës. Së bashku me nënkryetaren Mihrije Suka, ai ndau mirënjohje për gratë aktiviste që kanë dhënë një kontribut të rëndësishëm në zhvillimin kulturor të qytetit dhe në frymëzimin e brezave të rinj.
Ky koncert u organizua në kuadër të aktiviteteve për “Flakën e Janarit”, duke shënuar një mbrëmje të paharrueshme për artdashësit./PrizrenPress.com/
Marketing
