Kompania për Distribuimin e Energjisë Elektrike në Kosovë (KEDS) ka njoftuar se sot do të kryhen punime të domosdoshme për sigurinë e sistemit energjetik, duke shkaktuar ndërprerje të energjisë elektrike në disa zona të Prizrenit.
Sipas njoftimit, nga TS 110/35/10 kV Prizreni 1 do të ndërpritet dalja 10[kV] Bodrumi në dy termine, nga ora 09:00 deri në 09:30 dhe nga ora 13:00 deri në 15:00. Zonat e prekura nga kjo ndërprerje do të jenë Atmaxhë, Nasheci I, Nasheci II, Mazrek, Kojushë, Nashec, Gurshitë, Gjonaj I, Gjonaj II, Gjonaj III dhe Zym. Punimet kanë për qëllim krijimin e kushteve të punës pa tension dhe largimin e urave të tensionit të mesëm.
Po ashtu, nga i njëjti nënstacion do të ndërpritet furnizimi me energji për NS 10/0.4kV TS Ital-Kos nga ora 09:00 deri në 15:00, duke prekur zonën e TS Ital-Kos në Grazhdanik. Kjo ndërprerje bëhet për shkak të punimeve në projektet e Lot 16 në TS 220/110 kV Nashec dhe vazhdimin e kabllove 10 kV./PrizrenPress.com/
