Policia e Kosovës deri në orën 14:30 nuk ka regjistruar asnjë incident që ka të bëj me procesin zgjedhor në komunat e rajonit të Prizrenit.
Zëdhënësi i Policisë rajonale të Prizrenit, Vesel Gashi ka theksuar se që nga hapja e qendrave të votimit procesi zgjedhor është zhvilluar kryesisht në mënyrë të qetë.
“Që prej hapjes së qendrave të votimit në ora 7:00 e deri në këto momente nuk është iniciuar asnjë rast që ndërlidhet me procesin zgjedhor. Urojmë që edhe pjesa e mbetur e procesit të zhvillohet në mënyrë të qetë”, ka thënë Gashi.
Edhe sipas raportimeve të vëzhguesve të Demokracisë në Veprim (DnV), procesi i votimit, që nga hapja e vendvotimeve është zhvilluar në mënyrë të qetë.
DnV u ka bërë thirrje qytetarëve që të dalin të votojnë dhe përmes pjesëmarrjes së tyre të sigurohen që zëri i tyre do të dëgjohet në përbërjen e re të Kuvendit të Kosovës.
