Të dhënat e procesuara nga vendvotimet në platformën e Komisionit Qendror të Zgjedhjeve tregojnë se në rajonin e Prizrenit, deri në ora 15:00, dalja më e madhe e votuesve ka qenë në Komunën e Mamushës me mbi 30%.
Ndërkaq në Komunën e Dragashit deri në këtë orë kanë votuar më pak se mbi17 % të votuesve.
Sipas KQZ-së në Komunën e Prizrenit, të drejtë vote kanë 182,939 votues dhe deri në ora 15:00 kanë votuar 46,530 votues ose 25.43%. Të dhënat janë procesuar nga 226 vendvotime, derisa numri total i tyre është 236.
Në Komunën e Suharekës, të drejtë vote kanë 68,101 votues dhe deri në ora 15:00 kanë votuar 18,668 votues ose 27.41%. Të dhënat janë procesuar nga numri total i vendvotimeve që është 87.
Në Komunën e Dragashit, të drejtë vote kanë 40,263 votues dhe deri në ora 15:00 kanë votuar 6,980 votues ose 17.34%. Të dhënat janë procesuar nga 51 vendvotime, derisa numri total i tyre është 56.
Në Komunën e Mamushës, të drejtë vote kanë 4,699 votues dhe deri në ora 15:00 kanë votuar 1,451 votues, ose 30.88%. Të dhënat janë procesuar nga numri total i vendvotimeve që është 5.
Zgjedhjet parlamentare 2025 në rajonin e Prizrenit sipas Policisë së Kosovës po zhvillohen qetë dhe pa incidente. /Telegrafi/
.
