Optërusha e Rahovecit ka nderuar pesë dëshmorët dhe 27 qytetarët e paarmatosur që u vranë dhe masakruan nga pushtuesi serb.
Në një ceremoni të mbajtur sot, kryetari i Komunës së Rahovecit, Smajl Latifi, së bashku me bashkëpunëtorët, këshillin e fshatit dhe përfaqësues të OVL-së, nderuan sakrificën e tyre.
“Optërusha mban në kujtesën e saj një nga plagët më të rënda të historisë sonë, një dhimbje që nuk shuhet dhe një heroizëm që nuk harrohet. Katër prej viktimave ende mbeten të pagjetur, një padrejtësi që rëndon mbi ne të gjithë”, tha Latifi.
Ai përkujtoi sakrificën e tyre për lirinë dhe theksoi se kujtimi i kësaj tragjedie do të mbetet gjithmonë i gjallë në zemrat e qytetarëve./PrizrenPress.com
