Me një forum reflektues dhe diskutime të hapura për të ardhmen e lumit Lumbardh, përfundoi të shtunën seminari dyditor Lumbardhi 101 në Kino Lumbardhi, në Prizren.
Gjatë këtyre dy ditëve, pjesëmarrës nga fusha të ndryshme ndoqën ligjërata, prezantime dhe bashkëbisedime mbi rëndësinë e lumit si pjesë e jetës urbane, ekologjike dhe kulturore, përcjell PrizrenPress. Seminari kulmoi me diskutime frymëzuese nga Bledar Pulaj, Asl?han Demirta?, Ovidiu ?ichindeleanu dhe Lena Violetta Leitner, duke hapur rrugë për bashkëpunime të reja dhe vizione për zhvillim të qëndrueshëm.
Ngjarja u organizua në bashkëpunim me Universitetin e Danimarkës Jugore dhe Universitetin e Prizrenit, dhe u mbështet nga European Cultural Foundation dhe programi ‘EJA Kosovë’ i Fondacionit Kosovar për Shoqëri Civile (KCSF), bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia. Aktivitetet e Fondacionit Lumbardhi mbështeten në mënyrë institucionale nga Ministria e Kulturës, Rinisë dhe Sportit si dhe Rockefeller Brothers Fund./PrizrenPress.com
