Sot në Prizren u mbajt një prezantim i rëndësishëm mbi menaxhimin e krizave dhe komunikimin me publikun, i organizuar nga Njësia CIMIC e Komandës Rajonale Perëndimore të KFOR-it, në bashkëpunim me Komunën e Prizrenit.
Në aktivitet morën pjesë përfaqësues nga 15 komuna të rajonit perëndimor, Drejtoria Rajonale e Policisë së Kosovës, komandantë vendorë dhe përfaqësues të drejtorive komunale të emergjencave.
Kryetari i Komunës së Prizrenit, Shaqir Totaj, theksoi rëndësinë e këtij trajnimi për rritjen e gatishmërisë institucionale dhe bashkëpunimit ndërinstitucional.
“Qëllimi i këtij takimi ishte forcimi i kapaciteteve institucionale për përballimin e situatave emergjente, si dhe zhvillimi i aftësive për komunikim efektiv dhe transparent me publikun dhe mediat gjatë krizave”, deklaroi Totaj./PrizrenPress.com
Marketing
