Kryeministri në detyrë i Republikës së Kosovës Albin Kurti, ka nderuar me pjesëmarrjen e tij finalen e turneut tradicional të futbollit të zhvilluar në kuadër të “Javës së Dëshmorëve të Hasit”, duke dhënë një mesazh të fuqishëm mbështetjeje për sportin vendor dhe rininë hasiane, raporton PrizrenPress.
Pjesëmarrja e Kurtit u mirëprit nga organizatorët dhe banorët e zonës, të cilët e konsideruan si një vlerësim për përkushtimin e komunitetit dhe për rolin e sportit në forcimin e lidhjeve shoqërore dhe edukimin e brezave të rinj.
“Faleminderit Kryeministër! Pjesëmarrja juaj ishte motivim dhe respekt për sportin dhe të rinjtë!” – thuhet në njoftimin e organizatorëve.
Finalja e turneut u zhvillua në Gjonaj mes ekipeve Fati Aluplast dhe Rrufeja JR, me rezultat përfundimtar 3:0 në favor të Fati Aluplast, që u shpall edhe kampion i këtij edicioni./PrizrenPress.com
Marketing
