Policia e Kosovës ka njoftuar se Stacioni Policor në Malishevë është duke ndërmarrë masa të vazhdueshme për të parandaluar djegiet që, sipas tyre, shkaktojnë ndotje të ajrit dhe rrezikojnë përhapjen e zjarrit, raporton PrizrenPress.
‘Toni Residence’ – Mos e humb rastin për të blerë banesën tënde në Prizren
Në një rast të fundit të evidentuar më 25 qershor 2025, policia ka identifikuar një person që kishte ndezur zjarr në një hapësirë publike në zonë të banuar.
“Në Komunën e Malishevës, një person është identifikuar për ndezjen e qëllimshme të zjarrit në një hapësirë publike e cila është zonë e banuar andaj duke u bazuar në ligjin nr. 08/L-071 neni 49 paragrafi 1.7.9 ndaj tij është shqiptuar një gjobë në vlerë prej 500 euro”, thuhet në njoftimin e PK-së.
Policia u bën thirrje qytetarëve që të shmangin çdo veprim të tillë të rrezikshëm dhe të ndaluar me ligj.
“Policia rikujton se veprimet e tilla si djegia e mbeturinave dhe materialeve të tjera është e ndaluar me ligj, veçanërisht gjatë periudhës së verës kur rreziku për përhapjen e zjarrit është më i madh”, thekson policia.
Në fund, qytetarët inkurajohen që të raportojnë çdo rast të dyshuar: “Apelojmë te qytetarët që të shmangin çdo lloj djegieje, dhe t’i njoftojnë menjëherë organet e rendit në numrin 192 ose autoritetet lokale për çdo rast të dyshuar. Bashkëpunimi juaj është i rëndësishëm për mbrojtjen e mjedisit dhe sigurinë e komunitetit”./PrizrenPress.com
Freski e përditshme me çmim të zbritur – zgjidh aparatet e ujit Bruno!
