Florent Maçkaj, djali i dëshmorit Selver Maçkaj, ka ngritur publikisht akuza për përjashtim të padrejtë nga një konkurs i brendshëm pune në Kompaninë Rajonale të Ujësjellësit “Hidroregjioni Jugor” në Prizren.
KLIKO LINKUN:https://www.facebook.com/PrizrenPress/videos/625544106556173
Ai pretendon se aplikimi i tij për pozitën “inspektor-kontrollor” është refuzuar me arsyetimin se nuk ka dorëzuar diplomën e shkollës së mesme, pavarësisht se në dosjen e dorëzuar kishte përfshirë diplomën e fakultetit.
“Është e paarsyeshme të kërkohet një diplomë më e ulët kur diploma universitare e vërteton qartë se kam kaluar të gjitha nivelet e mëparshme të arsimit”, tha ai.
Nga ana tjetër, Fadil Berisha, ushtrues detyre i kryeshefit ekzekutiv në KRU “Hidroregjioni Jugor”, tha se kompania respekton kriteret strikte të konkursit dhe se çdo aplikim shqyrtohet vetëm nëse janë dorëzuar të gjitha dokumentet e kërkuara, përfshirë edhe diplomën e shkollës së mesme.
“Aplikanti në fjalë nuk i ka përmbushur kriteret, pasi mungonte një dokument bazë. Ne nuk bëjmë përjashtime – çdo dokument duhet dorëzuar sipas kushteve të përcaktuara në konkurs”, tha Berisha.
Maçkaj, i cili aktualisht punon si roje sigurie në këtë kompani, ka reaguar gjithashtu ndaj komenteve të bëra në media dhe portale, duke theksuar se rasti i tij është shembull i një trajtimi të padrejtë dhe të panevojshëm përmes teknikaliteteve burokratike.
Ndërkohë, konkursi për pozitën në fjalë mbetet ende i hapur./TV Prizreni
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
