Nënkryetarja e Komunës së Suharekës, Mihrije Suka, ka zhvilluar sot një takim pune me përfaqësuesit e Qendrës së Shëndetit Mendor në Prizren, me fokus në shkëmbimin e përvojave dhe forcimin e bashkëpunimit institucional në trajtimin e rasteve të shëndetit mendor.
Në takim morën pjesë drejtori i QSHM-së në Prizren, Jahir Krasniqi, infermierja Aferdita Kajdomçaj dhe këshilltari psikosocial Agim Bytyqi. Nga QKMF e Suharekës mori pjesë kryeinfermierja Mimoza Bajraktari, e cila njëherësh ishte edhe inicuesja e këtij takimi, raporton PrizrenPress.
Sipas njoftimit të Komunës së Suharekës, theksi u vendos tek rastet që kërkojnë kujdes dhe mbështetje të vazhdueshme, me synim krijimin e një sistemi më gjithëpërfshirës dhe efikas për qytetarët.
“Qëllimi i këtij takimi ishte shkëmbimi i përvojave dhe forcimi i bashkëpunimit institucional për trajtimin e rasteve të shëndetit mendor në Komunën e Suharekës, me theks të veçantë tek rastet që kërkojnë kujdes dhe mbështetje të vazhdueshme”, thuhet në njoftim.
Tutje, Komuna shprehet e përkushtuar për përmirësimin e shërbimeve: “Komuna e Suharekës mbetet e përkushtuar në ngritjen e cilësisë së shërbimeve dhe në krijimin e një sistemi më gjithëpërfshirës për qytetarët që kanë nevojë për kujdes në fushën e shëndetit mendor”./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/