Kompania Rajonale e Ujësjellësit “Hidroregjioni Jugor” në Prizren ka bërë një thirrje publike për konsumatorët e fshatit Zhur, duke kërkuar pagesën e menjëhershme të faturave të ujit.
Sipas njoftimit, borxhi total në këtë zonë ka arritur në 645,411.54 euro, çka konsiderohet një gjendje shqetësuese për stabilitetin financiar të operatorit rajonal.
“Të nderuar konsumatorë të fshatit Zhur, ju bëjmë thirrje që të kryeni sa më parë pagesën e faturave të ujit. Mospagesa sjell pasoja të menjëhershme, si: shkyçje nga rrjeti i furnizimit me ujë dhe fillimi i procedurave përmbarimore nga përmbarues privat”, thuhet në njoftimin e shpërndarë nga kompania, raporton PrizrenPress.
Sipas të dhënave zyrtare, amvisëritë në Zhur kanë një borxh prej 374,291.01 euro, ndërsa bizneset dhe lokalet figurojnë me borxh në vlerë prej 271,120.53 euro.
Për të shmangur pasojat ligjore dhe teknike, “Hidroregjioni Jugor” u kujton konsumatorëve se kanë në dispozicion disa mënyra për të kryer pagesat: në zyrat e arkëtimit të kompanisë, përmes bankave dhe postës, si dhe online përmes aplikacioneve bankare dhe aplikacionit E-HRJ.
“Kryeni obligimet me kohë dhe shmangni shkyçjet e padëshiruara dhe procedurat ligjore!” përfundon apeli./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/