Kuvendi i Komunës së Malishevës të kryesuar nga Enver Hoti, ka mbajtur sot mbledhjen e dytë të radhës, ku janë formuar komitetet obligative, si Komiteti për Politikë dhe Financa (KPF) dhe Komiteti për Komunitete, si dhe është marrë vendim për formimin e komisionit të punës, për hartimin e planit të punës së Kuvendit.
Anëtarët e Kuvendit të Komunës, kanë miratuar katër vendime, ku është vendosur për formimin e KPF-së, që do të ketë 11 anëtar (kryesuesi me 4 anëtar nga IQM-ja, 3 anëtar PDK-ja dhe 3 anëtar LDK-ja), pastaj Komitetin për Komunitete, që do të përbëhet prej 7 anëtarëve.
Gjithashtu është formuar edhe komisioni për hartimin e planit të punës së Kuvendit të Komunës, për vitin 2014, komision që përbëhet nga 7 anëtarë, nga të gjitha partitë politike në KK dhe kryesuesi.
Po ashtu KK mori vendim, që nga kjo seancë, të publikohen procesverbalet e mbledhjeve të KK, në ueb faqen zyrtare të komunës.
Në mbledhje ka marrë pjesë edhe kryetari i Komunës, Ragip Begaj, i cili është përgjigjur në pyetjet e anëtarëve të Kuvendit, drejtuar atij, për çështje të ndryshme. /PrizrenPress.com/