Në Gjykatën Themelore të Prizrenit edhe sot ka vazhduar seanca gjyqësore ndaj kryetarit të Prizrenit, Ramadan Muja dhe pesë drejtorëve të tij.
Prokurorja e EULEX-it, Natasha Vikeri, në seancën e sotme ka lexuar pikën 4 të aktakuzës.Kjo pikë e aktakuzës e ngarkon Mujën për ndalimin e ekspertëve të Gjeodezisë dhe Kadastrës në marrjen pjesë në lëndët e Gjykatës në Prizren.
Vikeri edhe sot ka kërkuar nga gjykata burgimin dhe ndalimin e ushtrimit të detyrës së kryetarit Ramadan Muja.
Ndërkaq, avokatët mbrojtës të të dyshuarëve edhe sot kanë kërkuar lirimin e klientëve të tyre.
Prokurorja e EULEX-it, Natasha Vikeri, akuzon kryetarin e Komunës së Prizrenit, Ramadan Muja, Sadik Paçarizin – drejtor i Urbanizmit dhe Planifikimit Hapësinor, Avni Ademajn – ish-u.d. së drejtorit të Gjeodezisë dhe Kadastrës, Kadri Ukimerin – ish-drejtor i Gjeodezisë dhe Kadastrës, Abdullah Tejecin – drejtor aktual i Gjeodezisë dhe Kadastrës dhe Minir Krasniqin – drejtor i Administratës, për kryerjen e veprave penale gjatë ushtrimit të detyrës zyrtare./PrizrenPress.com/