Brenda dy ditëve të fundit, Policia e Kosovës në Prizren ka sekuestruar dy armë zjarri në raste të ndara, duke parandaluar përdorimin e tyre të paautorizuar dhe duke rritur nivelin e sigurisë publike.
Sipas policisë, rasti i parë ka ndodhur më 25.05.2026, rreth orës 23:20, në fshatin Lubizhdë e Hasit, pas një denoncimi për të shtëna me armë.
Patrulla policore ka identifikuar të dyshuarin, i cili ka pranuar se kishte shtënë gjatë një gazmendi familjar dhe ka dorëzuar vullnetarisht një armë me gaz të tipit “ZORAKI M”, një karikator, 28 fishekë dhe 8 gëzhoja. Me urdhër të prokurorit, i dyshuari është ndaluar për 48 orë, ndërsa provat materiale janë sekuestruar.
Rasti i dytë është regjistruar më 27.05.2026, rreth orës 23:15, në rrugën “Remzi Ademaj” në Prizren.
Gjatë një kontrolli rutinë në një lokal, tek një i dyshuar është gjetur një pistoletë me këllëf, një karikator dhe 14 fishekë. Pas intervistimit në prani të avokatit mbrojtës dhe me urdhër të prokurorit kujdestar, i dyshuari është ndaluar për 48 orë, ndërsa arma dhe municioni janë sekuestruar si prova materiale.
Policia e Kosovës ka theksuar se mbetet e përkushtuar në parandalimin e mbajtjes së paautorizuar të armëve dhe garantimin e rendit e sigurisë publike./PrizrenPress.com/
Marketing
“V. Kryeziu” – Zgjidhje për rregullimin e oborrit të shtëpisë dhe hapësirave tuaja!
Realizoni projektet tuaja me BiCredit, partneri juaj i besueshëm financiar në Prizren!
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
