Ministri i Kulturës, Rinisë dhe Sportit, Memli Krasniqi ka takuar sot anëtarët e Këshillit Drejtues të Teatrit Kombëtar të Kosovës. Ai i ka uruar ata për detyrën dhe ka shprehur besimin se kontributi i tyre do të jetë i lartë në avancimin edhe më të madh të TKK-së dhe realizimit të një kalendari sa më të pasur dhe me vlera.Ai vlerësoi kontributin e secilit për jetën kulturore në vend.Ministri u ka premtuar atyre bashkëpunim, gjithmonë me vizionin që të zhvillohet arti dhe të respektohet ligji. Ai tha se MKRS-ja në këto tri vite ka rritur buxhetin për TKK-në, buxhet që siguron një repertor sa më të mirë.
Ministri i inkurajoi anëtarët për punë dhe të pandikuar nga çfarëdo qëllimi individual apo grupor. Nga ana tjetër, anëtarët e Këshillit Drejtues falënderuan ministrin Krasniqi për besimin dhe u zotuan për angazhim në zhvillimin e skenës teatrore në vend, e në
veçanti për Teatrin Kombëtar, si institucion përfaqësues i fushës teatrore.