Kryeministri i Kosovës, Hashim Thaçi, ka dalë kundër idesë për themelimin e një Tribunali të posaçëm për Kosovën, për të hetuar dhe gjykuar krimet e luftës të kryera në Kosovë, shkruan sot “Koha Ditore”.
Por, sipas burimeve të larta ndërkombëtare, çështja e themelimit të një Tribunali që do të hetonte dhe gjykonte krimet e dyshuara të luftës të kryera në Kosovë tashmë është diskutuar me Prishtinën zyrtare, ndërsa një pjesë e bashkësisë ndërkombëtare madje vlerëson se ky institucion gjyqësor duhet të themelohet deri në qershor, kur pritet që Task Forca Speciale e krijuar për hetimin e dyshimeve të ngritura nga raporti i Dick Martyt të paraqesë gjetjet e saja dhe eventualisht të përgatisë aktakuzën.
Pos kërkesës që të krijohet një Gjykatë e tillë, është edhe kërkesa që ajo të mos jetë e vendosur në territorin e Kosovës, por jashtë Kosovës