EULEX ka konfirmuar se Prokurori Clint Williamson nuk është takuar dje me Kryeministrin e Kosovës, Hashim Thaçi.
Zëdhënësi i EULEX, Blerim Krasniqi, konfirmoi për lajmi.net se “dje nuk ka pasur takim në mes të Kryeministrit Hashim Thaçi dhe Prokurorit Clint Williamson.”
Sipas tij, Willimanson, udhëheqës i Task Forcës Speciale të Hetimit (SITF) gjatë qëndrimit në Prishtinë, është takuar me ministrat Hajredin Kuçi dhe Bajram Rexhepi.
“Gjatë vizitës në Kosovë, Williamson ka qenë i shoqëruar nga Udhëheqësi i EULEX’it, Bernd Borchard. Ata kanë zhvilluar takime të martën me Hajredin Kuçin dhe Bajram Rexhepin”, ka thënë zëdhënësi Blerim Krasniqi.