Organizata Joqeveritare “EC Ma Ndryshe” në bashkëpunim me Komunën e Mamushës, kanë hapur ekspozitën “A Balkan Tale”, në Qendrën e Kulturës në Mamushë. Ekspozita është pjesë e projektit rajonal me të njëjtin emër, që është financuar nga Komisioni Evropian.Në ekspozitë, përmes 50 fotografive nga pesë shtete të Ballkanit, të realizuara nga pesë fotografë, paraqiten objektet e trashëgimisë osmane në rajon.
Fotografitë e ekspozuara janë një dokumentim i këtyre vlerave që kërkojnë vëmendje të shtuar ndaj parandalimit të degradimit të tyre dhe një thirrje për kujdes institucional dhe shoqëror. Ekspozita do të mbetet e hapur prej 12 deri 18 mars 2014./PrizrenPress.com/